بخصوص عناوين المواضيع .. هاااام جداا اعلانات الاداره

السلام عليكم ورحمه الله وبركاته

اعزائى اعضاء ومراقبى ومشرفى موقع طرائيعو

بخصوص عناوين المواضيع وقولنا فى القوانين الجديده

اقتباس:
المشاركة الأصلية كتبت بواسطة النمر الابيض بخصوص عناوين المواضيع هاااام جداا

3 - مراعاه كتابه عنوان الموضوع بلا اى زخارف او علامات او مد مثل ( طرائيـــــــعو ) لابد ان تكون هكذا ( طرائيعو ) .




لكن للاسف قليل الى نفذ حتى بعض المراقبين للاسف بخصوص عناوين المواضيع هاااام جداا

لكن حبينا نعملكم تجربه عمليه على الموضوع ده وقامت بيها لمسه حب

من فتره كبيره عملت موضوعين ودول الموضوعين شوفوا الصوره

بخصوص عناوين المواضيع هاااام جداا

الموضوعين فى نفس اليوم ونفس العنوان لكن الفرق

اول موضوع اسمه ( كول تون فودافوون ) اما التانى اسمه ( كول تون فودافون )

اول موضوع عمل 44 مشاهده بس من شهر 2 لحد النهارده

اما التانى عمل 7128 مشاهده من نفس التاريخ لحد النهارده

والفرق ايه ( و ) بس يعنى بدل فودافون كتبت فودافوون

لان الى بيبحث بيكتب كول تون فودافون عمره ما هيكتب كول تون فودافوون

ولنفرض انه كتب كول تون فودافوون وانت كاتب اسم الموضوع كوول توون فودافووون برده مش هيجيب موضوعك

لكن الطبيعى والى غالبا هيبقى البحث عليه هو الكلام الاصلى الى هو كول تون فودافون

طبعا ده بيتطبق على كل الموضوعات مثلا

حبر ومطر.....حِينْمـآ يبدأ آلقَلَـمْ بِـ آلڪٍـتـآبَّـةْ

(ضـوءً بـَـسيـطّ .. لإنـغـآ‘مـَ ألآمــَل)

دول عناوين موضوعين اخدتهم عشوائى من القسم العام

اولا التشكيل ملوش اى داعى لان محدش بيبحث عن حاجه بتشكيل خالص

ثانيا المد زى كلمه بــسيط او القلــم

والمد ده بيحسب حروف فى محركات البحث مش بيتلغى يعنى طبعا الى هيبحث عن بسيط مش هيجيبلك بــسيط ابدا لان محرك البحث مش بنى ادم عشان يفهم ان دى هى دى

ياريت يا جماعه يبقى فى اهتمام بالكلام ده لان دا هيفرق معانا كتير اوى

حتى لو الموضوع منقول لازم نعدل ونضيف اللمسه بتاعتنا فيه مننقولش زى ماهو

اتمنى انى مش اشوف موضوعات بهذا الشكل مره تانيه

وياريت مراقبين الاقسام والمراقبين العام ينبهوا اى عضو يكتب عنوان بالشكل ده ويعدلوه

شكرا ليكم ..